EDAMAME@ Hawken Drive

香港人普遍都比較鍾意日本既野。

無論係衣著、髮型、口味都會以日式為主，

日本既野都成為大多數香港年輕人既潮流指標。

係食野既方面，大部分人亦都會偏愛食日本菜，

因為日本菜味道清淡得黎又類型比較多，而且又同中菜既味道一樣多變化。

唔會好似西餐咁得牛排同薯條，意大利餐既意粉同薄餅咁單調。

而係Brisbane既日本菜大多數都係日本人開既，

所以我地好容易就可以食到正宗日本家居式便當喇！

今次我地UQHKSA介紹比大家既係位於Hawken Drive既日本菜EDAMAME。

佢係位於好幾間餐廳之間，郵局對面，而唔係係正超級市場旁邊。

大部分既日本餐廳都會有拉麵、鐵板燒、天婦羅等基本便當。

今次我地介紹既日本餐廳有除上述幾種之外，仲有其他唔同類型既餐點，

例如：居酒屋小食、大福、鐵板式炒麵、茶漬飯、甚至乎大阪燒！！

依Ｄ餐點並唔係度度都有得食嫁，仲要正宗既日本人整添！

返到香港都唔係咁容易食得到啦！

就算係香港搵到類似咁既類型餐廳，用料同價錢都一定唔同！

依家每一個餐都係15至20蚊左右，縱使依家澳元匯率咁高，

對換返港紙都係大概160蚊左右。160蚊邊有咁新鮮又咁特別既日本餐呀！

同埋前派有報紙報導，香港好多日本餐既食物都超出衛生指標。

澳洲既衛生管理又十分嚴格，而依間餐廳有衛生局頒發衛生証明書，

確保食物既衛生同品質有一定既水準。咁大家就可以食得開心又安心啦！

而EDAMAME有咩好食呢？對完全未試既朋友，我本人提議可以試試佢既套餐。

套餐會有味增湯、沙律、燒墨魚丸、白飯同一種肉既主菜，方便又簡單！

而想食得清淡D既就可以考慮佢地既茶漬飯。

同湯飯有些少相似，少油得黎又唔會完全無味！

想試D特別D既就可以試下鐵板式炒麵，感覺係日式既炒公仔麵，

我本人試過，味道都唔錯嫁！

大家有機會去Hawken Drive既話，都可以考慮下嫁，係我地UQHKSA既誠意推介！！！

Maggie

店舖門面

Tempura Salmon Sauce Ramen

Pan Fried Beef Noodles

Teriyaki Chicken Set

Teriyaki Chicken Rice

價錢: $15-$25

味道: 8

氣氛: 5

地點: 9

(10分為滿分)